Oldenburg glo dat third places ‘n belangrike manier is om gemeenskap te vorm. Dit bou kohesie en vorm identiteit. “Third places are a vital factor in the quest for community”.

‘n Third Place is ‘n plek wat almal in hul lewe het. Dit is ‘n plek wat nie jou huis of jou werk is nie en waar jy kontak maak, reflekteer en ontspan.

Dit help jou met die oorgang en beweeg na verskillende ruimtes in jou lewe.

In my eie konteks gebruik ek Third Places as ‘n ekumeniese beweging waar ons een keer ‘n week by ‘n neutrale plek soos ‘n koffiewinkel bymekaar kom. Ons kom as verskeie denominasies bymekaar as jong volwassenes om in gesprek te tree oor waar ons die Here ervaar in ons lewens. Hier word ‘n ruimte gebied waar stories uit verskillende kontekste gehoor en gedeel word.

Die geleentheid word “The Third Place” genoem waar ons ‘n sosiale netwerk vorm waar dialoog kan geskied. Dis ‘n ruimte en sosiale platform vir jong volwassenes om saam te ontspan, kontak te maak en te reflekteer oor God en die lewe. Sodoende word ons blootgestel aan verskillende Godsbeelde, spiritualiteite en wêreldbeskouings wat ons persoonlike lewens verryk en vernuwe. Deur die vertel van stories maak ons sin van die lewe.

Almal word dan gemotiveer om Third Places op ander plekke met mekaar te skep en sodoende vorm hulle gemeenskap rondom verskeie belangstellings en aktiwiteite.

Soos ek reeds genoem het, gebruik ek spesifiek Third Places om verhoudings te bou binne ons konteks van jong volwassenes in ekumeniese verband, maar ‘n mens sou kreatief kon omgaan met die konsep van ‘n Third Place.  Dit kan ook dien as ‘n tipe ‘Fresh Expression’ om ‘un-churched’ en ‘de-churched’ mense te bereik.

Ds Johan Visser, Woodland Hills Gemeenskapskerk (2017)

The post The Third Place appeared first on Kerk van die Toekoms.

Die Jong Volwasse Leer Gemeenskap het ‘n paar beginsels raakgelees en dit bespreek, waarvan een daarvan modulariteit (“modularity”) is. Modulariteit verwys na iets wat uit verskillende komponente bestaan, byvoorbeeld wanneer geboue uit vaste komponente saamgestel kan word. Modulariteit verwys ook na die vermoë van iets om verander na gelang van behoeftes, soos ‘n meubelstuk wat eers ‘n kot is en wat later in ‘n bed of bank verander kan word soos wat behoeftes in ‘n gesin verander. Moduleriteit kan gesien word in dinge soos hoe mense self wil kies hoe hulle selfoon kontrakte opgebou word en hulle wil dit ook kan verander. Nog ‘n voorbeeld is waar mense flexityd kan werk en self kies hoe hulle hulle tyd “blokkies” van oefening, rekenaar werk, vergaderings, internet tyd en familietyd in hulle dag kan inpas. Nog voorbeelde is hoe mense hulle selfone bou deur self hulle toeps te kies of waar mense self kies watter t.v. programme kies (Netflix, Showmax ens). Modulariteit hou verband met verbruikerswese maar gaan meer as net oor die vervulling van behoeftes. Dit gaan ook oor die vermoë van mense (en dit wat hulle gebruik) om aanpasbaar te wees. Dit gaan oor die moderne mens se behoefte aan verhoogde eienaarskap asook die erkenning daarvan dat mense en hulle behoeftes (asook omstandighede) uniek en veranderlik is. Modulariteit is ‘n algemene teken van die tyd, maar is veral belangrik en deel van die millennials se leefwêreld.

Hoe impakteer modulariteit die kerk?

Ons sien reeds die groei van modulariteit in die kerk. ‘n voorbeeld is ruimtes wat vir meer as een doel gebruik kan word byvoorbeeld vergaderings en jeug byeenkomste, deur die meubels rond te skuif. Nog ‘n voorbeeld is ‘n preekstoele op wiele wat weggeskuif kan word in informele eredienste om ruimte te maak vir die begeleidingsgroep. Gemeentes wat verskillende erediens tipes aanbied is ook ‘n voorbeeld sowel as wanneer liturgieë in ‘n erediens week na week verskil omdat die predikant dit self “opbou” uit opsionele verskillende “blokkies”. Kategese kurrikulums wat tematies is en kwartaalliks gekies kan word in die volgorde wat die gemeente pas, is nog ‘n verskynsel hiervan. ‘n Ander vorm hiervan is waar ouers van klein kinders die opsie het om net ‘n gedeelte van die diens by te woon en die diens so ingerig word dat hulle iets ontvang maar gemaklik die diens kan verlaat op ‘n bepaalde tyd.

Hoe help dit ons om te dink oor millennials se belewenis van kerk?

Millennials sou moontlik kerk as een (opsionele) blokkie kan sien in hulle lewe wat hulle kan inpas na gelang van behoefte, prioriteit en tyd. Millennials sou ook moontlik kerkaktiwiteite kan sien as ‘n spyskaart van opsies of blokkies waarvan hulle kan kies en inpas in hul lewe na gelang van behoefte. Dit kan veroorsaak dat “kerk” verskraal kan word en verbruikerskultuur aangemoedig word, waarin millennials sou kon dink dat hulle kerk toe kom of deel is van die kerk om net iets te ontvang.  Maar aan die ander kant kan dit deelname en toewyding bevorder as die millennial voel hulle kan self kies en dat die opsies sekere behoeftes vervul. Die Jong Volwasse Leer Gemeenskap meen egter dat kerk ‘n groter rol te speel het as bloot om opsies uit te dink (meer blokkies te skep) of te wedywer met ander “blokkies” om ‘n groter rol te speel. Kerk as geloofsgemeenskap is die ruimte waar millennials perspektief kry oor AL die blokkies van hul lewens. Die kerk kan ‘n ruimte vir refleksie en nadenke wees oor al die aspekte van sy/haar lewe sodat alle blokkies geleef kan word vanuit ‘n koninkryk perspektief.

Die moderne mens raak al meer modulêr. Die vraag is nie of dit goed of sleg is nie, maar hoe dit millennials se ervaring en denke oor die kerk beïnvloed en hoe die kerk hierdie as ‘n geleentheid benut, maar ook die uitdagings daarvan herken en bestuur.

Gespreksnotas saamgestel deur Anriëtte de Ridder na aanleiding van ‘n Jong Volwasse Leer Gemeenskap byeenkoms gehou Februarie 2018.

The post Hoe Kan Ons Millennials Beter Verstaan… Modulariteit appeared first on Kerk van die Toekoms.

Hoe moet ons oor Millennials, geloof en die toekoms dink?

Jaco Hamman het tydens ‘n aanbieding in Stellenbosch in Augustus 2018 oor sy boek “The Millennial Narrative” die volgende genoem:

• As ons nie die Millennial generasie bereik nie, sal Christenskap as geloof in gedrang kom.
• Millennials verlang na die “goeie lewe” en stel nie belang in die “goeie nuus” soos ons dit tradisioneel aanbied nie.
• Bediening aan, deur en saam met Millennials vra dat ons vars dink – buite die konvensies van tradisionele denke.
• Die boek Joël in die Ou Testament kan ons help met die teologiese vertrekpunt wat ons hiervoor benodig.
• Millennials kan ons help herdefinieer wat dit beteken om Christen te wees – hulle sal nooit glo en doen soos ons nie.

Besoek https://www.themillennialnarrative.com/

The post The Millennial Narrative – Jaco Hamman appeared first on Kerk van die Toekoms.

Jaco Hamman gives 5 (hopeful) traits of millennials: 

1. Millennials know anxiety, uncertainty, loss and trauma intimately – if you want to reach out to the Millennials, you need to be comfortable to enter into their pain and loss.
2. Millennials build alternative communities – they are masters at it. Join them where they are meeting already. It should NOT be about how we can get them to church.
3. Millennials are spiritual and engage in religious practices like prayer and worship (although they rarely come to church).
4. Millennials embrace accountability – they value integrity.
5. Millennials want to make a difference in the world – they have a cause mentality (or ethic).

More thoughts….

Millennials need a narrative to live by. We need to help millennials find a (alternative) story to live in/through (and a statement of faith is not a story).

Join the millennials – they won’t come back to church. We can contribute – community,  narrative and spirituality. But we will have to be willing to move and be teachable.

How do we teach young people… we don’t!  We need to ask Millennials – what can you teach me? We need to communicate warmth. Mutual learning is needed.

We need to cultivate ministry practices that support ministry WITH millennials, rather than ministry to millennials. Start by joining millennials in the places they transform, while resisting the urge to convince them to  “come to church”.

https://www.themillennialnarrative.com/

The post Who Are The Millennials? – Jaco Hamman appeared first on Kerk van die Toekoms.

1. Verbind aan ander, maar eensaam – Ten spyte daarvan dat hierdie generasie uiters verbind is aan mekaar en die wêreld, voel hulle eensaam.
2. Geestelike openheid – Daar is in die algemeen ’n openheid van hierdie generasie teenoor spiritualiteit, godsdiens en selfs die kerk. Maar minder onder diegene wat hulle geloof verlaat het.
3. Era van angs – Bekommernisse en onsekerheid, dikwels oor dinge soos beroep en finansies, is ‘n prominente eienskap van hierdie generasie wat grootgeword het in ‘n chaotiese en komplekse tyd.
4. Op soek na antwoorde – Menslike lyding en wêreldwye konflik is van die belangrikste dinge wat geestelike twyfel veroorsaak vir jong volwassenes.
5. Veerkragtige dissipelskap – Dit is die eienskap wat Christene die meeste vorm in hierdie ouderdomsgroep, ongeag die godsdienstige klimaat of konteks.
6. Behoefte om ‘n verskil te maak – Wanneer jong volwassenes betrokke raak by ’n geloofsgemeenskap, is hulle op soek na konkrete lering, geleenthede om te veg teen ongeregtigheid en vriende om by hulle aan te sluit.

Daarom stel ons voor dat gemeentes kreatief moet dink oor die volgende vrae:

• Hoe help ons hierdie generasie om tuis te kom sodat verhoudings verdiep en diversiteit gevier word?
• Hoe skep ons kreatiewe geleenthede vir jong volwassenes met ‘n verskeidenheid van spiritualiteit tipes om God te ontmoet en te aanbid?
• Hoe spreek ons die generasie se angs en onsekerheid aan deur self broosheid te omarm?
• Hoe raak ons ‘n veilige ruimte vir egtheid om moeilike kwessies te bespreek terwyl ons ook ruimte laat vir twyfel en teenstrydighede?
• Hoe kan ons ervarings tussen generasies deel en saam antwoorde soek op reis na wysheid?
• Hoe help ons mense begelei om hul roeping uit te leef? Hoe bevorder ons leierskap en hou ons mekaar en sisteme verantwoordbaar?

Lees meer oor die Barna en World Vision navorsing by www.theconnectedgeneration.com.

Geskryf deur ds Anriëtte de Ridder (Predikant in Sinodale Diens vir Jeug- en Familiebediening van die NG Wes-Kaapland Sinode).

The post Tendense By Jong Volwassenes En Geloof appeared first on Kerk van die Toekoms.

The post Nagmaal Gesprek appeared first on Kerk van die Toekoms.

The post Speed Dating appeared first on Kerk van die Toekoms.

The post Linte Muur appeared first on Kerk van die Toekoms.

The post #imagine musiek appeared first on Kerk van die Toekoms.

The post Doopouers appeared first on Kerk van die Toekoms.